Friday, May 14, 2010

0 Mahalin Mo Siya

Sa taong gustong gusto siya, mahalin mo siya.

Huwag na huwag mong sasaktan ang kanyang damdamin. Huag mo siyang paiiyakin. Dahil oras na ibigin ka niya, wagas na pag-ibig ang ibibigay sa iyo nang walang kapalit o kondisyon. Higit pa sa pagmamahal niya sa kanyang sarili. Halos kapantay ng pagmamahal niya sa Diyos at bayan.

Mahalin mo siya ng tapat at too. Huwag mo akong tularan at ang iba pa na iibig lamag dahil ito ang idinidikta ng lipunan at mundo. Panindigan mo siya. Salagin mula sa mapang-matang mundo. Gawin mo ang lahat para maging tunay siyang maligaya na kahit kailan 'di ko kayang ibigay sa kanya.

Mahalin mo siya gaya ng pagmamahal mo sa iyong sarili. Mahalin mo ang buo niyang pagkatao dahil bawat hibla nito ay walang bahid ng pagkukunwari. Kung ano ang iyong nakikita, kung ano ang kanyang ipinapakita, ganoon siya.

Mahalin mo siya at punan ang 'di ko naibigay na pagmamahal sa kanya.

Mahalin mo siya at ibigay ang lahat para ipaglaban ang inyong pag-iibigan. Dahil natitiyak ko, hindi ka magsisisi na siya'y nakilala mo.

Huwag kang tutulad sa akin na isang duwag, huwad at mahina na 'di kayang ibigay ang lahat kahit sa aking sarili, alam ko na tunay ko siyang minahal.

Salamat sa kanya, nalaman ko kung ano at papaano ang tunay na pagmamahal.

At sa kanya at sa iba na nagsabi na 'di ko siya minahal talaga, maaaring tama kayo. Pero hindi ko maitatanggi ang aking pag-iyak gabi-gabi sa kaduwagan at kahinaan na 'di ko maiparamdam sa kanya na minahal ko siyang tunay.

Salamat Lord, sa isang magandang pangyayaring naganap sa buhay ko. Hindi siya para sa akin. Hindi siya laan para sa akin. Pero salamat, dahil iminulat mo ako kung paano ba ang magmahal ng tunay.

Sa gabing ito, natapos na ang lahat.

Sana tapos na din ang pagpatak ng aking luha dahil malaya't pinalaya ko na siya. sana'y matagpuan na niya ang kanyang kaligayahan, ang taong magmamahal sa kanya ng tunay.

May 14, 2010 | 03:04 A.M.

Image taken from the Internet

signature

Friday, May 7, 2010

2 Ang BOTO ko ay para sa KABATAAN PARTYLIST, Satur OCAMPO at Liza MAZA

Unang beses ko bumoto ngayong 2010. Six years ago, hindi ko malilimutan na todo-suporta ang ibinigay ko para sa nakaupong pangulo ngayon. Mabuti na lamang at hindi pa ako bumoboto dahil isa itong malaking pagkakamali. salamat na rin sa kanya, namulat ako sa kabulukan ng ating sistemang pulitikal pero kasabay nito ang pagkawala ng pag-asa na mababago ang lahat.

2006, noong nasa UP pa ako, sumama ako sa pagkilos noon laban sa TOFI, ang tanging partisipasyon ko sa isang rally. Hindi ko iyon pinagsisisihan. Dahil noong mga panahong iyon, sa kabila ng pagkabigo na mapigilan ang pagkakapasa noon ng 300% increase sa tuition ng UP, muling nabuhay ang aking pag-asa na mababago ang lahat.

152_kabataan_2

2007, nakilala ko ang KABATAAN PARTYLIST. Mula noon, buo na ang aking pagsuporta sa mga adhikain at ipinaglalaban ng KABATAAN PARTYLIST. Hindi pa nila ako miyembro noon lalo't higit na hindi pa rin ako maaring bumoto noon. (At wala rin ako ni isa na kakilala noon mula sa KPL). Pero dahil sa pagnanais ko na makatulong ng kahit konti sa kanila, kinampanya ko ang KABATAAN PARTYLIST sa aming lugar. Hindi rin naman ako nabigo dahil marami din kahit papaano ang bumoto sa kanila dito.

Pero bakit ba nila ako noon napa-bilib at nagawa ko sila na suportahan sa pamamagitan ng pagpophotocopy at pamimigay ng printed na poster nila at pamphlets?

1. Consistent sa kanilang mga paninindigan. Noong una ko silang nakilala, sila ay tutol na sa patuloy na pagtataas ng matrikula. Noon din na nagbabadya ang pagtataas ng tuition ang UP, bukod tangi na KABATAAN PARTYLIST lang noon ang naaalala ko na grupo ng kabataan at isa sa mga unang kinundena ang pagtataas ng tuition sa UP. Kamakailan lang, naging matagumpay ang kanilang kampanya kaisa ng mga estudyante ng PUP upang pigilan ang 2000% tuition increase. Patunay rito ang isinampang House Bill No. 2440 kasama ang mga kinatawan ng Bayan Muna na naglalayong magtakda ng tatlong taong moratorium sa pagtataas ng tuition sa lahat ng antas at uri ng paaralan.

2. Backed by no one but the youth. Hindi gaya ng ibang partylists, ang KABATAAN PARTYLIST ay walang backer na mayamang pulitiko. Ang pondo nito ay galing mismo sa kasapian. Ang mga kasama dito ay hindi sumasama dahil may libreng pakain o may 'benefits' sila na makukuha. Ang mga kasama dito ay ang mga tunay na nagmamahal sa bayan at naghahangad ng makabuluhang pagbabago. Kaya nga ang pondo ng KABATAAN PARTYLIST ay talagang kakarampot kumpara sa ginagastos ng ilang partylist diyan. Umaasa lang ito sa suporta ng kabataan at sa sipag at dedikasyon na kanilang ibinibigay upang mangampanya sa bawat sulok ng Pilipinas. Ang utang na loob ng KABATAAN PARTYLIST ay tanging sa KABATAAN - wala sa mga mayayamang negosyante o mga pulitiko.

3. Progressive, militant, nationalistic and pro-people in words and actions. Marami diyan ang nagsasabi na makabayan sila at isusulong ang kapakanan ng mga Pilipino pero oras na mahalal, nagkakalimutan na. Ang KABATAAN PARTYLIST, mula umpisa malinaw kung ano ang kanilang paninindigan at kung sino ang kanilang pinapanigan - siyempre ang kapakanan at karapatan ng lahat ng kabataan! Marami din diyan ang nagsasabi na sila ay kontra-ganito, kontra-ganyan pero sa mga malawak na pagkilos ay nowhere to be found. Ang KABATAAN PARTYLIST lang ang bukod tangi na malinaw ang kanilang ipinaglalaban. Sa bawat isyung nakakaapekto sa kabataan, laging nakikisangkot ang KABATAAN PARTYLIST upang ipagtanggol, isulong at ipaglaban ang sambayanan.

At gaya ng KABATAAN PARTYLIST, mayroon na din tayong maaasahan na mga tunay na makabayan na handang dalhin ang ating mga ipinaglalaban sa SENADO: sina Liza MAZA at Satur OCAMPO.

satur_ocampo_at_liza_maza

Kabi-kabila ang mga paninira sa kanila ng kanilang mga katunggali. Ngunit hindi nito masisira ang ilang dekada nilang paglalaaan ng kanilang buhay para sa paglilingkod sa sambayanan. Mula noong panahon ng kanilang pakikibaka laban sa Martial Law hanggang sa kanilang termino bilang mga kinatawan ng Bayan Muna at Gabriela, sila'y laging para sa masa at sa pagsusulong ng ating mga karapatan. Habang sila'y nasa tungkulin laging kapakanan ng bayan ang kanilang ipinaglalaban at hindi ang pagpapayaman ng kanilang mga sarili.

Sa kabila ng kanilang dinanas na pandarahas at panunupil sa ilalim ng administrasyong ito at sa patuloy na panggigipit na ibigay ang kanilang Countrywide Development Fund o Pork Barrel mula noong 2005, hindi ito naging hadlang upang gawin nila ang kanilang tungkulin bilang mga mambababatas.

Ilan sa mga batas na kanilang naipasa ay ang:

Anti-torture Act (RA 9745)
Rent Control Act of 2009 (RA 9635)
Tax Relief for Minimum Wage Earners Act of 2008 (RA 9504)
Public Attorney's Office Act of 2006 (RA 9406)
Abolition of Death Penalty (RA 9346)
Overseas Absentee Voting Act of 2003 (RA 9189)
Philippine Nursing Act of 2002 (RA 9173)
Anti-Trafficking in Persons Act of 2003 (RA 9208)
Anti-Violence in Women and Children Act (RA 9262)
Magna Carta for Women (RA 9710)

Simple lang naman kung bakit ang KABATAAN PARTYLIST at sina Satur at Liza ang gusto kong iboto: alam nila ang mga problema ko bilang kabataan at handa nilang ipaglaban tayo upang bigyang solusyon ang ating mga problema. Hindi sila nangangako ng dagliang solusyon sa mga problema ng kabataan at lipunan, ngunit kung magkakaisa tayo sa sama-samang pagkilos, kasama nila, tiyak ang pagkamit natin sa tagumpay.

Isang boto lang ang maari nating ibigay para partylist. Labindalawa para sa senador. Ibibigay mo ba ito sa mga 'hindi pa subok sa laban at wala pang napatunayan?' Ako? Hindi. Dahil ang isang boto ko para sa partylist ay ibibigay ko sa KABATAAN PARTYLISTT. Hindi ko rin sasayangin ang dalawang boto na maibibigay ko sa pagka-senador. Ibibigay ko ito kina Satur OCAMPO at Liza MAZA.

Para sa tuloy-tuloy na magandang simula. I-shade ang oval sa tabi ng #152 sa kanan ng ating mga balota para sa KABATAAN PARTYLIST!

152_KABATAAN_PARTYLIST

At sa mga SENADOR ng BAYAN, i-shade ang oval sa tabi ng #33 para kay LIZA MAZA at i-shade din ang oval sa tabi ng #37 para kay SATUR OCAMPO.

Liza at Satur

PILIPINO para sa PAGBABAGO. PAGBABAGO para sa PILIPINO. Iboto ang ating mga kandidatong MAKABAYAN!

Get to know my candidates more:

KABATAAN PARTYLIST - http://www.kabataanpartylist.com/

LIZA MAZA - http://lizamaza.com/

SATUR OCAMPO - http://satur4senator.com/

NPA front daw ang MAKABAYAN Coaliton (Bayan Muna, Gabriela, ACT Teachers, Anakpawis, Kabataan, Katribu), Satur Ocampo and Liza Maza? Read our response here: http://bit.ly/cGGuji

KPL_SO_LM

signature

Tuesday, May 4, 2010

10 Why I Will NOT VOTE for NOYNOY

Some people are quite crazy about NoyNoy these days. No, not crazy. Insane would be a much better word. Sa Filipino, mga baliw. They've completely lost their minds attacking people who goes against their belief that their Benigno "NoyNoy" Simeon Aquino III should be the president of this country. Attacks aimed at destroying the credibility of that person. Lately, we have heard how Pia Magalona had been harrassed by Noynoy fans in her blog because she supports Richard Gordon.

What's even worse is that if his fans talk about why they will vote for Noynoy, they cannot give out a clear answer (see samples here: 1, 2, 3). They are instead busy on lambasting his opponents and giving out crazy reasons on why they won't vote for them.

Even their candidate is out of his mind. Ang kapal ng mukha niyang sabihin na kung 'di siya mananalo, mananawagan siya ng People Power. Tsk. Could someone close to him slap his face so he could wake up in his own world?

These things alone give me enough reasons not to vote for him. But I'm going to give you five more reasons why I'm not voting for Benigno "NoyNoy" Simeon Aquino III so just maybe, ponder upon your choice of president.

hindi_lahat_ng_nakadilaw

1. Noynoy is not Ninoy or Cory for that matter.

For the first time in our history (or maybe not), we're going to elect someone as president just because his mama and papa are Ninoy and Cory Aquino. Ok these two people are great. I look up to them as my heroes. But please, can we have better reasons why we should vote Noynoy? Can it be because his sister is a 'great' game show host?

People keep on telling us that because he has good parents, he must be good too. I can be somehow sure that Noynoy is a good son to his father and mother. But if he had been able to live up to the example of his parents, that would be a big question.

If he is really a good son, then he should have espoused the ideals of his parents. He should have been very active in Congress and Senate. He should have authored bills that would benefit the people. He should have called for justice and condemned every single act of repression committed by the State because how his father suffered in prison is one glaring example of how ruthless Martial Law is and how can the State abuse its power to silence dissidents.

But he's not. He's just plain and simple using the legacy of his parents. Ibang level ng gamitan 'to.

May nagsasabi pa na hindi naman daw niya kasalanan kung bakit niya naging magulang sina Ninoy at Cory. Yes, we cannot choose our parents. But just because his parents are Ninoy and Cory, we should vote for him? Hell no. It's just plain 'historical accident.'

2. Noynoy is craving for power.

This is just so disgusting. Some portray him as humble and sincere because he is a reluctant presidential candidate. Hindi raw siya atat at gahaman sa kapangyarihan. WTF. The presidency is not for those who are reluctant, it is for those who knows the implications of being a president and what can be done from that office.

But this had only been quite true from the start because I doubt if he was really sincere then in 'imitating' what his mother done before she accepted the call to run. Right now, we see him issue statements like if he doesn't win, he shall call for People Power. Yes he clarified that it is only if he had been cheated but as we all know, politicians in this country do not accept defeat. It's always either you win or you had been cheated. This kind of statements scares the hell out of me because he thinks that he should be president at all costs.

And please, Noynoy or anyone else for that matter does not hold the franchise for People Power. It belongs to the people. If Noynoy thinks that real People Power that would come from 38% of Filipinos who supports him. Hell no! He should remember that 62% does not like him.

3. Noynoy is not faultless, incorrupt or a 'clean politician as others would like to portray him.

His hands are bloodied by the victims of the Hacienda Luisita Massacre. Most people often see this as a black propaganda aimed at derailing Noynoy's 'victory' on May 10. It is not. But if it is all about Villar's C5 controversy and landgrabbing accusations, these are legitimate issues that Villar should answer. Why the double standard?

The Hacienda Luisita Massacre is one glaring example on how majority of our farmers are still fighting to get their piece of land from landlords such as the Cojuangcos. I can't believe how Noynoy answered this before. He said that he doesn't own much of the HLI so why should he care? Then, he went on to blame that some of these farmers are squatters and that militant groups had meddled in the issue. Then he issued a recent statement that the lands would be given out the farmers by 2014. All of which are only aimed to veer away public scrutiny from what really happened back then.

Aside from that, can his supporters ask Noynoy or anyone from his campaign team from where or whom do they get their campaign ads? They had been attacking Villar on using billions of pesos on his campaign but we are quite sure that its his own money and the hell I care if he spends them all. But how about Noynoy? Where does he gets all this money to air his commercials everyday?

4. Noynoy is plain incompetent.

Yeah his name was not involved in any corruption scandal during his term as a congressman and senator. I'll give it to Noynoy but oh my, twelve years as a lawmaker (nine as a Congressman and three as a Senator) and he hasn't passed or authored any major bill that would benefit the Filipino people? Houston, I think we have a problem.

Try to look at it this way: sinuwelduhan natin ang isang Congressman na hindi naman ginagawa ang kanyang pangunahing trabaho - gumawa ng batas. We've wasted our precious taxpayers' money for nothing. Wala itong pinagkaiba sa mga nangungurakot. Isn't this also a form of corruption? Getting paid for something that you don't do?

If he had not been able to perform his duties well as a lawmaker, can we expect him to do better if he's a President? I guess no. Here's an excerpt from an article published just last April 30 on the NoyPi blog:

If and when he becomes President, Noynoy can hire persons who are competent and with high standard of morality and unquestionable integrity to serve as members of his Cabinet. This will complement any deficiency in his executive ability or experiences.

O di ba, umamin din sila. :)

Doing nothing does not amount to doing something good.

5. Noynoy is clueless about the presidency.

This early, all of his statements or replies to issues are coming from his spokespersons and minions. Does this ring a bell? Very much Gloria Arroyo. He rarely answers questions himself. Unlike other candidates who talk to the media themselves most of the time. What does it tell us? If he's not even prepared to face the media, then how will he face criticisms once he become president? Maybe, he'll heed the advice of Risa Hontiveros.

Aside from that, he's clueless about almost everything. He doesn't know why the HL issue is related to him? (Or maybe he's just being plain stupid about this.) He does not know that by opening up our country more to foreign investors would only kill our local industries and make us dependent on them. He does not know that the main reason why a lot are jobless is not only because of job scarcity but because of repressive state policies like that one which allow companies to hire employees on a contractual basis. He does not understand that land reform is a central issue that needs to be addressed not by dull promises but by concrete plans and actions that would be in favor of the farmers. He does not understand.

Pero do we expect him to understand these things? No. Because the fact the he's an Economics graduate but does not even have a comprehensive, clear and concret platform on that issue, that alone makes him really clueless.

So who will I vote for President if I don't want NoyNoy, Villar, Erap and Gibo? Right now, I'm planning to skip my vote for the presidency but just so I can express my protest against these irrational people who will vote for Noynoy, I'm takng my pick among those who are at the bottom of the surveys. After all, these people are also legitmate choices. They even present a much better platform than this Hepa-guy. I won't settle for anything less.

If you want to see principled leaders, performs their duties as lawmakers and is consistent in its fight for the people in Congress, you need to know why you should vote for KABATAAN PARTYLIST.

In the mean time, let me share with you some people who will not vote for Noynoy too. No big fan of their websites but I agree with their points. Some of which are written long ago, after he announced his candidacy:

A Noynoy Aquino administration could be the modern-day version of the Marcos regime!

33 Reasons Why I Will Vote for Noynoy.. NOT

Why I will not vote for Noynoy Aquino?

Natural Born Killers

Pinakamahusay na Pangulo at iba pang Mito

Never Mind Hate Mail: 5 Reasons Why I Won’t Be Voting For Noynoy Aquino

Beyond the Amber Ribbons: A NO for Noynoy in 2010 Elections

Noynoy Aquino should Prove Himself to the People, Not Vice Versa

Noynoy Aquino, what change will you bring???

Disclaimer: I am not working for any presidential candidate. I am currently affiliated with KABATAAN PARTYLIST and though we are under the MAKABAYAN COALITION which has an alliance with NACIONALISTA PARTY, I will not vote for Manny Vilar. Currently out of my list for presidentiables are Noynoy, Villar, Erap and Gibo.

Image Credits:

Cory and Ninoy Photo Used on Image

signature

Sunday, May 2, 2010

3 Isa ba akong AKTIBISTA?

"Aktibista ka pala Dennio eh."

Sabi ito ng isang kaklase ko ngayon sa bagong eskwelahan ko. (Opo, wala na ako sa UP. Tagal na, haha.. :D See story here. :P) Binase niya ito sa kanyang mga nababasa sa mga posts ko sa Facebook at sa paminsan-minsang pagggm (group message sa text) ng mga bagay na may kinalaman sa pagiging makabayan.

---

Noong unang malaman ng nanay at tatay ko na sumali ako noon sa isang aktibistang grupo sa UP, hindi na ako nagtaka na nagalit sila. Agad nilang inalala na baka isa ako sa mga madukot at mapatay noon lalo't kainitan noon nang madukot sina Karen at She na taga UP. Kasalanan ko din naman, nakalimutan ko na may usapan pala kami na pag-uusapan muna namin ang mga bagay na ito.

Nang matanggal naman ako sa UP, nasisi din nila ang pagiging 'aktibista' ko kung bakit ko napabayaan ang aking pag-aaral. Pero taliwas nga sa kanilang iniisip, ang tunay na dahilan ay tinamaan ako ng katamaran noon na mag-aral. At noong mga panahong iyon, hindi rin naman ako aktibo sa sinalihan ko. At alam din ng kapita-pitagang si Anton Dulce (sipsip ba? :D) na noong mga panahon na iyon, binabatikos ko na sila.

---

Nagpasya ako noon na yakapin ang tinatawag na 'multi-perspective activism o alternative activism' na isinusulong ng iba. Ang ganda kasing basahin at pakinggan. Multi-perspective. Madaming paraan para ilabas at kumilos sa mga isyu sa paraang hindi na kakailanganin pa ang lumaban sa lansangan. At higit sa lahat, napakakomportable.

May nakakatext na nga ako noon na kasama sa mga grupong ganyan. Siya naman eh galing din sa kabila. Medyo desidido na ako noon na sumama sa kanila. Pero may ilang bagay at dahilan ang nagtulak sa akin para hindi gawin 'yon.

---

Lumipat ako ng paaralan. Sa unang pagtapak ko pa lang sa mga pintuan nito, kakaiba na ang aking naramdaman. Hindi naman parang may mali ngunit may bumubulong sa likod ng aking isipan na sa lugar na ito mas higit ka na mamumulat.

Lumipas ang ilang buwan, pinilit na mamuhay ng normal na estudyante. Nag-aral uli ng mabuti. Pinilit iwasan ang nakaraan. Ngunit sa kaka-iwas ko, lalo lang kami nagtatagpo.

---

May nakapagsabi sa akin noon na kapag ikaw ay nalagay sa isang sitwasyon na kung saan sinusubok ang lahat ng iyong prinsipyo at pagkatao, dito lumalabas kung ano ang iyong mga pinaniniwalaan at pinaninindigan sa buhay. Na sa mga pagkakataong nagmumuntik-muntikanan, lumalabas ang tunay nating pagkatao.

Taliwas sa paniniwala muli na mailalayo ako mula sa init ng aktibismo sa UP, sa kinalalagyan ko ngayon, sa mga nakita kong pagmamalabis at pagsikil ng kalayaan at karapatan, mas lalo akong napalapit sa pagiging aktibista.

---

Ngunit ang 'paglapit' kong ito ay hindi nawalan ng mga agam-agam. Pag-aalala na kung ako'y gagawan ng mga hakbang, maaaring magsilbi ito na katapusan muli ng aking pagkakataon na makapag-aral.

Pero sa mas malalim na pagbubulay-bulay, napagtanto ko na kung ako'y magpapadala lamang sa takot na aking nararamdaman, habambuhay na magiging ganito ang kalagayan ng mga kapwa ko estudyante. Habambuhay na lang ako magmamasid habang unti-unti namamatay sa gutom ang maraming Pilipino. Kahit anong ngawa ang gawin ko, nariyan pa rin sila at patuloy sa pagpapahirap sa mga Pilipino.

Matindi ang tawag ng panahon. Mahirap manahimik sa panahong nagsusumigaw ang pangangailangan ng nagkakaisang pagkilos upang panibaguhin ang lipunan.

Muli kong pinag-aralan ang aking sarili. Kung paano ko mabibigyang katwiran ang pagnanais ko muli na maging aktibo sa pakikipaglaban 'para sa mga tao na wala naman pakialam sa akin' (ayon sa kaibigan ko at sa mga magulang ko).

Nakarating lamang ako sa iisang konklusyon: kailangan ng pagkilos.

---

Ano ang mabigat na dahilan ko kung bakit ito ang naging desisyon ko? Si Hesus. (See FOLLOW CHRIST, SERVE THE PEOPLE.) Itinuturing ko siya na kauna-unahang yumakap sa prinsipyo ng paglilingkod sa sambayanan. Sa kabila ng kawalang pakialam sa kanya ng nakararami, patuloy siya sa pangangaral, sa pagpapastol, sa paglilingkod sa mga taong di niya kilala, sa mga tao na alam niyang sa bandang huli ay magpapapako sa kanya.

Maaring mali ang pananaw na ito sa iba (lalo na sa ibang aktibista) pero iisa lang naman ang nilayon ni Kristo noon sa nilalayon ng mga aktibista ngayon: tunay na kalayaan. Hinangad ni Kristo ang tunay na kalayaan mula sa kasalanan, hangad ng isang aktibista ang tunay na paglaya ng bayan sa panunupil, kahirapan at dayuhang kontrol.

Maaari din na magtaas ng kilay ang ilan na maling ihalintulad si Kristo sa mga aktibista dahil malayong malayo ang mga ginawa niya sa ginagawa ng mga aktibista ngayon. Pero malamang, hindi alam ng mga taong ito na sa panahon ni Kristo, ang lahat ng kanyang ginagawa ay radikal sa pananaw ng mga naghaharing uri noon at paglapastangan sa kanilang pinaniniwalaan - walang pinagkaiba sa pananaw ng marami ngayon sa ginagawang pagkilos ng mga aktibista.

---

Pero sa kabila nito, maituturing ko na ba ang aking sarili na isang aktibista - o isang press release pa lamang,

Isa pa lamang po akong press release.

Oo at nakikita ninyo ang aking pagsuporta sa mga pagkilos dito sa Facebook, sa aking blog o sa mga text messages ko sa inyo.

Ngunit kulang pa ito ng tunay na pagkilos sa tunay na mundo kaisa ang sambayanan.

Kulang pa ito ng pakikihalubilo sa masang Pilipino sa mga kanayunan, sa mga pabrika o sa mga nasa urban poor community.

Hangga't hindi ko pa nagagawa ito, isa lamang akong press release.

Pero, not for long. :)

152_kabataan

May mga takot pa rin ako pero kailangan ko itong harapin at hindi ko ito pababayaang maging hadlang para tunay ako na makapaglingkod sa sambayanan.

Serve the People!

"At the risk of seeming ridiculous, let me say that the true revolutionary is guided by a great feeling of love." - Che Guevara

Images: From Google Image Search

signature

 

Project Dennio Some Rights Reserved © 2012 - |- Template created by O Pregador - |- Powered by Blogger Templates - |- Content and Visual Modifications by Jose Dennio Lim