TV at Showbiz

Hindi ko pa rin natatapos at pulido ang paggawa ko sa isang post na nais kong mailagay dito. Kaya habang nasa proseso ako ng pagpapatibay rito at pagsasaliksik tungkol sa kabilang kampo, narito ang aking munting opinyon sa lagay ng telebisyon at showbiz sa Pilipinas ngayon.

Umpisahan natin sa masasabi ko na 'dokyu' wars ng ABS-CBN at GMA. Dito natin nakita kung gaano kagaling at kalalim kung umarok ang GMA sa paggawa ng mga dokyu. At dito rin natin nakita kung gaano sumablay at kababaw ang ABS-CBN sa paggawa ng mga dokyu. Nasa high school pa lang ako lagi ko nang inaabangan ang mga dokyu sa GMA lalo na sa i-Witness. Ibang klase kung umatake ang kanilang mga batikang dokumentarista gaya nina Jay Taruc, Howie Severino, atbp. Iyun nga lang, laging madaling araw na kung maipalabas ang mga nasabing programa. Nakakapuyat. Balik tayo sa mga dokyu ng ABS-CBN. Medyo malayo pa ang kanilang lalakbayin pagdating sa paggawa ng mga dokyu na medyo pangahas at may lalim gaya ng ginagawa sa GMA. Kagaya na lamang nitong huli nilang dokyung 'Walang Iwanan' na tungkol sa mayayamang Pilipino na 'ibinabalik' ang kanilang yaman sa mga higit na nangangailangan dito.

Pero nakalimutan nilang sabihin kung gaano ba kalaki ang kinikita ng mga kompanyang ito at ilang porsyento ng kanilang kita ang napupunta sa mga 'corporate social responsibility' (CSR) projects nila. Kaya siguro hindi nila ito nabnaggit kasi iba ang pinag-uusapan. Positibo ang usapan at nais nilang magbigay pag-asa sa mga tao. Iyun nga lang, nagmukha naman promosyon ito ng kanilang mga kompanya at kakalimutan na lamang natin ang mga iskandalo na kanilang kinasadlakan.

Katulad na lamang ni Lucio Tan na may P25 billion tax evasion case na nakasampa laban sa kanya. Iyun nga lang na-acquit na siya sa kasong ito noong 2006 dahil lamang sa technicality. At siyempre ang mga Lopez na hanggang ngayon hindi pa rin ipinapaliwanag kung bakit ba may system loss ang Meralco. Siyempre, hindi naman babatikusin ng ABS-CBN ang sister company nila. Iyun na nga, sana naging mas malawak ang kanilang pagtalakay.

Sunod naman sa isyu ni Cristy Fermin. Kakasuspinde lang sa kanya ng ABS-CBN noong Miyerkules hanggang December 31, 2008 sa lahat ng kanyang programa sa telebisyon (The Buzz) at radyo (Showbiz Mismo!). Bunsod umano ito sa mga binitawang salita ni Cristy Fermin sa kanyang interview sa The Buzz hinggil sa mga hidwaan nila ni Nadia Montenegro. Eto lang ang masasabi ko. Sa dinami-dami na ng mga kasong libelo na isinampa sa kanya, lahat ng iyon nalagpasan niya at lahat ng kanyang diumano'y mga paratang eh napapatunayang totoo. Iba talaga kung bumanat si Nanay Cristy (ang tawag ng mga malalapit sa kanya). Tagos sa laman. Tagos sa puso. At siguradong aaray ang mga binabanatan o pinangangaralan niya. Hindi siya basta pumapatol sa kung anong tsimsis. Kanya muna ito sinisiguro na totoo at may basehan at saka niya titimbangin kung alin ang totoo at hindi; at ang tama sa mali.

At ngayon na may pumutak, sigurado na naman totoo ang kaniyang mga sinabi. Eto kasi ang hirap sa ating mga tao, hindi tayo marunong tumanggap ng pamumuna at lalo't higit ang katotohanan. At sa kasong ito, matatapos ang lahat sa pagbubunyag ng katotohanan.

(Wala talaga ako sa sarili ko ngayon, natanggal ako sa Entrecard dahil sa 'non-English' ang aking blog. Iyun lang. Pipilitin ko na ayusin ang aking pagba-blog sa mga susunod na araw.)

Iba't Ibang Makasaysayang Lugar sa Bayan ng Bulakan, Bulacan

Kahapon, habang walang tigil sa pagbuhos ng ulan si Bagyong Pablo ay nasa labas kami ng kapatid ko para magfield trip; isang field trip na wala sa plano. Noong gabi lang nagkayayaan para kumuha ng mga larawan ng mga 'historical sites' dito sa amin. At taga saan nga ba ako? Sa Bayan ng Bulakan, Lalawigan ng Bulacan. At bago pa kayo malito kung taga saan ba talaga ako, bibigyan ko kayo ng konting background mula sa Wikipedia entry na isa ako sa mga gumawa.

"Bulacan or Bulakan is a 2nd class urban municipality in the province of Bulacan, Philippines. According to the 2000 census, it has a population of 62,903 people in 13,577 households.

Bulakan is the birthplace of Marcelo H. del Pilar, a Filipino nationalist who published the Filipino propaganda paper La Solidaridad. The town is also the birthplace of his nephew, Gregorio del Pilar, a Filipino revolutionary general, and Soc Rodrigo, a former Philippine senator.

Bulakan is one of the oldest town in the Philippines, became the encomienda or capital of the Provincia de la Pampanga, and later became the first capital of the Province of Bulacan before it was moved to Malolos shortly after the American occupation.

The Municipality of Bulakan lies in the southwestern part of the province of Bulacan and is surrounded by a number of proximate municipalities. It is bounded on the North by the Municipality of Guiguinto, on the South by the Manila Bay, on the East by the Municipality of Bocaue, on the West by the City of Malolos, on the Northeast by the Municipality of Balagtas and on the Southeast by the Municipality of Obando. It is about thirty five (35) kilometers away from the City of Manila. Approximately, 72.90 square kilometers or 2.7284% of the total land area of the entire Province, which is 2,672.03 square kilometers. It ranks tenth (10th) in terms of land area among other municipalities in the province."

Gaya nga ng nabanggit na, kami po ang dating kapitolyo ng Bulacan. Ngunit dahil sa naging mas mabilis ang pag-unlad ng katabing bayan nito na Malolos at ang unti-unting pag-alis ng mga tao papunta rito, itinalaga ng mga Amerikano ang Malolos bilang bagong kapitolyo. At nito lamang Agosto 15, 2008, ipinagdiwang namin ang ika-430 taong kapistahan ng Nuestra Senora dela Asuncion, o ang Our Lady of Assumption na aming patrona (noong 1578 ito unang ipinagdiwang). At dito rin ibinatay ang 'founding anniversary' ng lalawigan ng Bulacan kaya ipinagdiwang rin nito lamang Setyember ang ika-430 pagkakatatag ng lalawigan. Basta iyun.

At bilang mamamayan ng bayan na ito, at sa kauna-unahang pagkakataon sa aking 'blogging career,' gagamit ako ng mga 'orihinal na larawan' na kuha mula sa digicam na hindi akin. At naisave ko na din ito sa 'sarili kong usb.' At paalala sa mga gustong gumamit ng mga sumusunod na larawan, maaari lamang na bigyan ako ng tamang kredito para naman mabigyang hustisya ang paglalakad namin sa ilalim ng malakas na ulan para lamang makakuha ng mga larawang ito, ok?

Ang Plaza Del Pilar

(Ang pangunahing plaza sa aming bayan. Nasa harap ito ng aming munisipyo na kasalukuyang nirerenovate.)

Ang Marker sa Plaza Del Pilar

(May gagawin akong blog post tungkol sa pulitika sa aming bayan. Iyung nababasa ninyong mayor diyan sa marker, siya pa din ang nakaupo ngayon at sa nakaraan pa na halos tatlong dekada. At may isang konsehal diyan na nandito pa din at si SK ay isa nang konsehala.)

Pagsuko ng mga Kastila kay Heneral Gregorio Del Pilar

(Isa sa apat na mga 'historical engravings' na makikita sa loob ng plaza.)

Ang Parokya ng Nuestra Senora Dela Asuncion

(Unti-unti nang sinisimulang ang renovation ng aming simbahan. Tapos na ang altar sa loob. Sayang nga lang at hindi kami nakapasok para makuhanan ito.)

Historical Marker ng Simbahan

Ancestral House ng mga Lava

(Sino ang mga Lava? Sila ang tinatawag ngayon ng CPP-NPA-NDF ni Joma Sison na 'taksil na pangkating Lava.' Isa ang mga Lava Brothers na sina Jose, Jesus at Vicente Lava sa mga key leaders ng Partido Komunista ng Pilipinas o PKP-1930 na namuno sa rebelyon ng mga Huk noong 1950s.)

Monumento ni Del Pilar

(Bagong gawa lang ito sa 'kabutihang loob' ng aming kongresista. Dati napakadungis ng lugar na ito at hindi mo halos pansin kung hindi ka titingin ng mabuti.)

The 'Boy' General

(Ang pamosong 'pose' ni Del Pilar sa isa sa kanyang mga larawan. Sinasabi ng ilang historyador na isa siya sa mga 'fashionista' ng rebolusyon.')

Historical Marker ng 'Birthplace ni Gregorio Del Pilar'

Ang 'inuulang' National Monument ni Marcelo Del Pilar

(Matatagpuan ito sa Barangay San Nicolas, Bulakan, Bulacan. Dito kadalasan ginagawa ang mga pagdiriwang ng kanyang kaarawan (August 30) pati na ang ilang event na may kinalaman sa journalism at press freedom.)

Isa pang kuha ng Monumento ni Plaridel

(kasama ang mala-bathroom tiles na flooring na talaga namang pag hindi ka nagdahan-dahan sa paglalakad eh tiyak na madudulas ka.)

Rebulto ni Plaridel

(huwag nang mag-isip ng kung ano pa sa puting bilog na nasa ibaba, flash lang po iyan ng digicam, nakalimutan kong patayin eh..)

Isa pang kuha sa Monumento ni Plaridel

(Madilim ang kuha dahil na rin nga sa sama ng panahon.)

Ang Ancestral House ng mga Del Pilar

(May museo iyan sa loob na naglalaman ng mga memorabilia at mga artefacts ni Plaridel.)

At ang pamatay na panira ng inyong araw:

Ako at si Plaridel

(Mabilisan ang pagkuha niyan dahil nga sa malakas ang ulan, hindi tuloy maayos ang aking pose, hehehe.. Pagkasenyas ay agad ko na tinago ang hawak ko na payong sa likod at hindi na ako nakapag-smile pa, hehe.. :D)

Sa susunod ay magbibigay pa ako ng ilang mga impormasyon tungkol sa aming bayan pati na din sa aming barangay, lalo na sa kasaysayan nito at sa lagay ng pamumuhay at pulitika dito. Iyun lamang sa ngayon. Muli, salamat sa panahong inukol mo sa pagbabasa ng blog ko. :D

One Week of Blessings

Isang linggo na mula nang muli kong nire-launch ang aking blog. Madami na agad ang nangyari. Hindi lang sa aking blog pati na din sa 'offline life' ko. At sa loob ng isang linggo na ito, madami akong dapat ipagpasalamat. At bago pa ako maiyak (iyakin ako, tingnan ang post na ITO), narito na ang ilang mga bagay na lubos kong ipinagpapasalamat:

Una sa lahat, maraming salamat sa mga patuloy na bumibisita sa blog ko sa pamamagitan ng Entrecard. Ito na halos ang buhay ng aking blog pagdating sa mga bisita ayon sa Google Analytics. Hindi man ako regular na nakakapag-drop ay may ilan pa rin na sobra pa ang ibinabalik na drops sa akin. Narito ang Top Ten Droppers ko sa buwan ng Setyembre:

• Thailand Land of Smiles: 24
• Read Write React: 24
• Everything Has A Reason: 21
• Subjective Soup: 21
• C'est La Vie: 21
• Lamberry: 20
• Joan Joyce: 18
• Today's Games: 17
• The Lady Programmer: 17
• Merydith's Place: 17
  

Ikalawa, labis ang pagkagulat ko nang malaman ko na may 27 na subscribers na ang blog ko! (via FeedBurner) Hindi ko alam kung ilan ang mga subscribers ko sa ibang feed services ngunit nagpapasalamat ako dahil may ilan pala na nakakita ng kabuluhan sa mga isusulat ko pa sa blog na ito. Maraming salamat po sa inyo. Hindi ko kayo bibiguin sa paghahatid ng mga 'dekalidad' na posts/articles.

Ikatlo, ayon sa Alexa, naglalaro na ngayon ang aking rankings pagdating sa traffic sa pagitan ng top 180,000 to 200,000 sites (kasalukuyang nasa 190,895). Hindi na ito masama dahil umakyat naman ito kahit papaano mula sa dati nitong rank na 325,621 noong July. Nalagpasan ko na din ang higit sa 20,000 visits para sa aking blog. At masaya ako dahil naglalaro na ngayon sa 50-60 ang daily average visits sa aking blog. Sana sa susunod na buwan ay umangat pa ito kahit konti sa 100 visits/day. At sa awa ni Google Pagerank, hindi nagbago ang PR3 ko. Hindi ko alam ang dahilan pero siguro sa katamaran ko na makipaglink-exchange. Kaya mula ngayon, lahat ng madaanan ko na site ay inaalok ko na ng 'ex-links.' At salamat sa mga tumugon na. :D Sa mga hindi pa, hihintayin ko kayo, hehehe.. :)

Ikaapat, natanggap ko na ang aking bayad na nagkakahalaga ng $19.17 mula sa AdBrite! Akala nga nung suki naming kartero eh nanalo ako ng jackpot sa lotto mula Amerika. At nagtataka daw siya kung bakit panay mga taga ibang bansa ang sumusulat sa akin. Sabi ko, secret. Hehe.. :) Balik tayo sa natanggap ko na bayad. Ang problema ngayon ay kung saan ko idedeposito ang nasabing tseke. Patulong naman. May bank account ang nanay ko kaso peso account ito. Puwede ba na maideposito ko ang tseke kahit nasa dolyar pa ito? Sana ay may tumugon. Maliit na halaga ito pero iba iyung pakiramdam na alam mo na bunga ito ng pagaaksaya ng oras mo at pagod. (nakakapagod pala ang blogging? hmmm...)

At bilang pangwakas, ibinabalita ko na kasalukuyan ko nang niluluto ang pagsusulat para sa aking unang libro. Wala pa akong kinakausap na publisher. Ayoko kasi nung pine-pressure ako na magsulat para makahabol sa deadline. Baka kung anu pa masulat ko. Hehe.. Natapos ko na ang introduction kagabi at susunod na ang Chapter 1. At kung ano ang tipo ng libro na isinusulat ko? Secret uli, hehehe.. :)

Nawa'y muli akong makapagsimula sa buhay nitong buwan na ito. Muli, maraming, maraming sa inyong lahat!!! :D

Like this post? Subscribe in a reader

Click dito to get your FREE scratch card and get a chance to WIN FREE Globe or Smart load.